Cynllun Ysgoloriaethau Israddedig

Cynllun Ysgoloriaeth Israddedig

Darllen
Mae Cynllun Ysgoloriaethau Israddedig y Coleg Cymraeg Cenedlaethol yn darparu £100,000 y flwyddyn ar gyfer myfyrwyr sy'n astudio cyrsiau gradd – naill ai yn gyfan gwbl neu'n rhannol – drwy gyfrwng y Gymraeg.

Mae'r cynllun yn darparu ar gyfer myfyrwyr sy'n astudio pob math o wahanol bynciau: 

 O Ddrama i Ddaearyddiaeth, 
 O Wyddor Chwaraeon i Wleidyddiaeth Ryngwladol, 
 O Ffiseg i Ffrangeg, 
 O Gerddoriaeth i'r Gymraeg...

... beth bynnag sy'n mynd a'ch bryd... mae arian ar gael! 

Yn wir, gallwch ennill hyd at £1000 y flwyddyn (neu hyd at £3000 erbyn i chi gwblhau eich cwrs) am wneud rhywfaint o'ch astudiaethau drwy gyfrwng y Gymraeg.

Darperir 150 o ysgoloriaethau bob blwyddyn, ac mae'r gwobrau hyn wedi eu rhannu rhwng dau is-gynllun, sef yr is-gynllun Prif Ysgoloriaethau, a'r is-gynllun Ysgoloriaethau Cymhelliant.
Er mwyn ymgeisio am ysgoloriaeth mae'n rhaid i chi ymaelodi gyda'r Coleg Cymraeg Cenedlaethol. Gellir gwneud hynny yn yr adran Ymaelodi ar y wefan hon. Bydd angen i chi nodi eich rhif aelodaeth ar y ffurflen gais er mwyn ymgeisio am ysgoloriaeth.
Ceir mwy o wybodaeth am yr ysgoloriaethau a chyfle i ddarllen hanesion rhai o ddeiliaid ysgoloriaethau 2011-12 wrth ddilyn y linc yma - Atodiad Ysgoloriaethau

Prif Ysgoloriaethau 2012/13

Darllen
     

Os ydych chi’n bwriadu astudio o leiaf dwy ran o dair (neu o leiaf 80 credyd y flwyddyn) o’ch cwrs gradd drwy gyfrwng y Gymraeg, gallwch ymgeisio am un o’n Prif Ysgoloriaethau, sydd werth £1000 y flwyddyn (neu hyd at £3000 dros gyfnod eich cwrs gradd). Bydd 50 o’r ysgoloriaethau hyn ar gael ar gyfer myfyrwyr a fydd yn dechrau astudio cyrsiau gradd o bob math – mewn prifysgolion led led Cymru – ym mis Medi 2012.

O’r Gyfraith i’r Gymraeg, o Ddiwinyddiaeth i Ddylunio Cynnyrch, o Hanes Cymru i Astudiaethau Ffilm a Theledu – mae bron i 300 o wahanol gyrsiau gradd bellach yn cynnwys digon o ddarpariaeth cyfrwng Cymraeg i fod yn gymwys i gael eu cynnwys yn yn rhan o’r cynllun hwn.

Mae’r dyddiad cau ar gyfer derbyn ceisiadau am Brif Ysgoloriaethau 2012-13 wedi mynd heibio erbyn hyn. Bydd holl ganllawiau ymgeisio ar gyfer 2013/14 yn ymddangos ar y wefan hon ym mis Medi 2012.

Er mwyn ymgeisio am ysgoloriaeth mae rhaid i chi fod yn aelod o'r Coleg Cymraeg Cenedlaethol ac mae modd ymaelodi ar y dudalen Ymaelodi. Bydd angen i chi nodi eich rhif aelodaeth ar y ffurflen gais.

       

Ysgoloriaethau Cymhelliant 2012/13

Darllen
     

£500 y flwyddyn (neu £1500 dros dair blynedd) yw gwerth y math yma o ysgoloriaeth, sydd ar gael ar gyfer myfyrwyr sy’n bwriadu astudio o leiaf traean (neu o leiaf 40 credyd y flwyddyn) o’u cwrs gradd drwy gyfrwng y Gymraeg.

Bydd 100 o Ysgoloriaethau Cymhelliant ar gael yn 2012, ac – yn wahanol i’r Prif Ysgoloriaethau – dim ond myfyrwyr sy’n bwriadu astudio cyrsiau gradd penodol yn un o’r naw maes academaidd canlynol fydd yn gymwys i ymgeisio amdanynt:

Gwyddorau’r Amgylchedd a Daearyddiaeth  
Busnes a Rheolaeth
Gwaith Cymdeithasol
Gwyddorau ac Astudiaethau Chwaraeon
Y Gyfraith
Gwyddorau Iechyd
Ieithoedd Modern Ewropeaidd
Mathemateg a Ffiseg
Seicoleg
Cemeg

Mae’r dyddiad cau ar gyfer derbyn ceisiadau ar gyfer Ysgoloriaeth Cymhelliant 2012-13 wedi mynd heibio erbyn hyn. Bydd holl ganllawiau ymgeisio ar gyfer 2013/14 yn ymddangos ym Medi 2012.

Er mwyn ymgeisio am ysgoloriaeth mae'n rhaid i chi fod yn aelod o'r Coleg Cymraeg Cenedlaethol. Gallwch ymaelodi trwy lenwi ffurflen ar y dudalen Ymaelodi. 

       

Telerau ac Amodau 2012/13

Darllen

Cliciwch yma i lawrlwytho copi o'r telerau ac amodau ar gyfer Cynllun Ysgoloriaethau Israddedig y Coleg Cymraeg Cenedlaethol 2012-13. (Diweddarwyd 23 Ebrill 2012)

Telerau ac Amodau 2012-2013

Cwestiynau a Ofynir yn Aml

Darllen
Os oes gennych unrhyw gwestiynau ynglŷn â'r cynllun hwn – neu os yr hoffech gael sgwrs gyffredinol cyn mynd ati i lenwi eich ffurflen gais – mae croeso i chi gysylltu gyda'r Coleg Cymraeg Cenedlaethol, naill ai drwy ffonio 0844 809 4717, neu drwy yrru e-bost at gwybodaeth@colegcymraeg.ac.uk. 

Ond – er cyfleustra – mae'r ddogfen isod yn cynnwys atebion i'r ymholiadau mwyaf cyffredin yr ydym yn eu derbyn ynglŷn â'r Cynllun Ysgoloriaethau Israddedig.
Cwestiynau a Ofynnir yn Aml

Cynllun Ysgoloriaethau Gradd Meistr

Ysgoloriaethau Gradd Meistr

Darllen
Mae'r Coleg Cymraeg Cenedlaethol yn cynnig ysgoloriaethau ar gyfer myfyrwyr sydd am astudio cyrsiau gradd meistr – naill ai yn gyfan gwbl neu'n rhannol – drwy gyfrwng y Gymraeg.
£1,500 yw gwerth pob un o'r ysgoloriaethau yma, ac maent ar gael i fyfyrwyr sy'n bwriadu astudio cyrsiau lefel M penodol, sy'n cynnwys o leiaf 60 credyd o ddarpariaeth cyfrwng Cymraeg yn Rhan 1 (h.y. o leiaf 60 credyd o ddarpariaeth sy'n cael ei ddysgu drwy gyfrwng darlithoedd, seminarau neu diwtorialau Cymraeg).
Ynghyd ag astudio cyfran o'r cwrs ei hun drwy gyfrwng y Gymraeg, disgwylir i ddeiliaid yr Ysgoloriaethau Gradd Meistr lunio eu traethodau estynedig (neu'r hyn sy'n cyfateb i hynny) yn y Gymraeg hefyd.
Er mwyn gwneud cais am Ysgoloriaeth Meistr, mae'n rhaid i chi ymaelodi gyda'r Coleg Cymraeg Cenedlaethol. Mae modd gwneud hynny, fel myfyriwr, ar wefan y Porth.
Bydd mwy o wybodaeth ynglyn â sut i wneud cais yn ymddangos ar y wefan hon yn fuan. Am fwy o wybodaeth yn y cyfamser, mae croeso i chi gysylltu gyda ni - gwybodaeth@colegcymraeg.ac.ukneu ffoniwch ni ar 0844 809 4717. Bydd canllawiau ymgeisio ar gyfer Medi 2012 yn ymddangos ar y wefan hon ym mis Mai eleni.

Telerau ac Amodau

Darllen
     Cliciwch yma i lawrlwytho copi o'r telerau ac amodau ar gyfer Cynllun Ysgoloriaethau Gradd Meistr 2011-12.
Telerau ac Amodau Gradd Meistr
       
Hyd at £3000 ar gyfer myfyrwyr addysg uwch cyfrwng Cymraeg 2012
Mantais
Mae gan y Coleg Cymraeg dudalen newydd ar facebook: http://t.co/zDvL1omc

0 diwrnod yn ôl
Wyt ti 'di anfon dy ffurflen gais ar gyfer Ysgoloriaeth Cymhelliant @colegcymraeg eto? Dyddiad cau dydd Gwener! Brysia! http://t.co/OAww4UOb

15 diwrnod yn ôl