Ymaelodi â’r Coleg Cymraeg Cenedlaethol
Darllen
Mae y Coleg Cymraeg Cenedlaethol nawr yn cynnig system aelodaeth newydd sydd yn caniatáu i bobl sydd â diddordeb yng gwaith y Coleg i ymaelodi â’r sefydliad yn rhad ac am ddim. Bydd aelodau yn derbyn gwybodaeth am weithgareddau a datblygiadau’r Coleg, ynghyd â manylion am gyfleoedd a fydd yn codi o gynlluniau’r Coleg.
Cynigir pedwar categori o aelodaeth, ar gyfer:
Darpar fyfyrwyr
Myfyrwyr presennol
Staff o fewn y Sector Addysg Uwch
Cyfeillion
Er mwyn ymgeisio am Ysgoloriaeth Israddedig ar gyfer 2012/13 mae'n rhaid i ymgeiswyr fod yn aelod o'r Coleg Cymraeg Cenedlaethol. Er mwyn ymaelodi mae'n rhaid llenwi cais yn yr adran Ymaelodi ar y wefan hon.
Ffeiriau UCAS
Darllen
Cynhelir Seminar Mantais: Gwybodaeth am ysgoloriaethau’r Coleg Cymraeg Cenedlaethol, i flwyddyn 12 a’r athrawon yn ffeiriau UCAS eleni. Bydd cyfle hefyd i gael sgwrs a gwybodaeth bellach ar stondin y Coleg.
Cynhelir y ffeiriau yn y lleoliadau canlynol:
Caerdydd ar 19 Mawrth
Wrecsam ar 27 Mawrth
Caerfyrddin ar 17 Ebrill
Bangor ar 20 Mehefin
Edrychwn ymlaen at eich croesawu!
Ysgoloriaethau’r Coleg Cymraeg Cenedlaethol
Darllen
Mae cynllun ysgoloriaethau israddedig y Coleg Cymraeg Cenedlaethol yn cynnig hyd at £3,000 dros dair blynedd i fyfyrwyr sy’n astudio cyrsiau gradd – naill ai’n gyfan gwbl neu’n rhannol – trwy gyfrwng y Gymraeg. Ceir dau fath o ysgoloriaeth israddedig sef y Brif Ysgoloriaeth (gwerth £1,000 y flwyddyn) a’r Ysgoloriaeth Cymhelliant (gwerth £500 y flwyddyn).
Mae’r ffurflenni cais nawr ar y wefan yn yr adran Cyllid i Fyfyrwyr. Dyddiad cau derbyn ceisiadau yr Ysgoloriaeth Cymhelliant yw 4 Mai 2012. Mae'r dyddiad cau ar gyfer Prif Ysgoloriaeth (2012/13) wedi mynd heibio. Rhaid ymaelodi â’r Coleg Cymraeg Cenedlaethol er mwyn ymgeisio am ysgoloriaeth a gellir gwneud hynny yn yr adran Ymaelodi.